Ermənistan Teleradio Şəbəkəsinin direktoru postundan getdi

“Ermənistan Televiziya və Radio Verilişləri Şəbəkəsi” QSC-nin direktoru Muşeq Militonyan işdən çıxması ilə bağlı ərizə yazıb.

Bu barədə erməni KİV məlumat yayıb.

"Mən ərizəmə əsasən, bu gündən etibarən “Ermənistan Televiziya və Radio Yayımları Şəbəkəsi” QSC-nin baş direktoru vəzifəsindən azad olunmuşam", – deyə direktor sənəddə qeyd edib.

Məlumat üçün bildirək ki, M.Militonyan Ermənistan Yazıçılar İttifaqının sədri Edvard Militonyanın oğludur. O, 2019-cu ildən bu vəzifədə çalışıb.

Qeyd edək ki, bir müddət əvvəl Ermənistan Teleradio Şəbəkəsi “RTR-Planeta” telekanalının “Vladimir Solovyovla axşam” müəllif verilişinin bağlanmasına qərar verib. Muşeq Militonyanın istefasının isə bu məsələ ilə bağlı olub-olmadığı məlum deyil.