Etiraza müəllimlər də qoşuldu, polislə qarşıdurma yaşandı | 91 nəfər saxlanıldı
Fransada 10 gündən çoxdur davam edən etiraz aksiyaları genişlənir.
Fransız etirazçılara İspaniya və Portuqaliyadan olan fermerlər də qoşulub. Onlar iş saatlarının azaldılması və maaşların artırılması ilə yanaşı, həm də Ukrayna taxılı üçün gömrük rüsumunun bərpasını tələb ediblər.
Ölkənin müxtəlif regionlarında keçirilən aksiyalarda 9 minədək fermer və 5 000 texnika iştirak edir. Paris yaxınlığında polislə qarşıdurmaya görə 91 nəfər saxlanılıb.
Vəziyyəti daha da gərginləşdirən müəllimlərin etiraza qoşulması olub. Belə ki, ibtidai və orta məktəb müəllimləri iş şəraitinin yaxşılaşdırılması və maaşların artırılması tələbi ilə küçələrə çıxıb.
Məlumata görə, ölkə üzrə ibtidai və orta məktəb müəllimlərinin daha 40%-nin bu tətilə qoşulacağı gözlənilir.
Qeyd edək ki, Fransanın təhsil naziri Ameli Udea-Kasteranın dövlət məktəbi ilə bağlı tənqidi açıqlamaları müəllimlərin kəskin etirazına səbəb olub.