Fransada sakinlər gəmiricilərlə mübarizə aparır

“Paris sakinləri siçovullarla birgə yaşamağı öyrənməlidir”. Bu barədə paytaxt meriyasının açıqlamasında qeyd olunub.

İllərdir siçovullarla mübarizə apardıqdan sonra heç bir nəticə olmadığını deyən mer Ann İdalqonun administrasiyasında məsələyə artıq fərqli yanaşılır və hesab edilir ki, gəmiricilərin varlığına öyrəşmək mümkündür.

Merin müavini Anna Suirisin “Siçovullarla dinc yaşamaq məsələsi ilə bağlı komitə yaratmaq qərarına gəldik” deməsi isə ictimaiyyəti təəccübləndirib. Məlumata görə, həmin komitənin işi siçovullarla mübarizənin daha “effektiv” və “rahat” üsulunu tapmaqdan ibarət olacaq.

Qeyd edək ki, Parisdə siçovulların sayı hesablamalara görə, 6 milyonu ötüb və bu say stabil olaraq illər boyu qalıb.