Dünya
Pleyeri seçin:
G20 liderlərinin sammitində nələr baş verdi? - Ukrayna nəzərə alındı, amma…
G20 liderlərinin qəbul etdiyi 22 səhifəlik sənədin yekun mətnində bir dəfə Ukraynanın adı çəkilir. Keçən il Dehlidə keçirilən sammitin bəyannaməsində olduğu kimi, Rusiyanın adı bir dəfə də olsun, vurğulanmayıb. Bu barədə BBC-nin məlumatında deyilib.
“Biz xalqlar arasında dinc, dostluq və mehriban qonşuluq münasibətlərini təşviq etmək üçün BMT Nizamnaməsinin məqsəd və prinsiplərinə uyğun olaraq hərtərəfli, ədalətli və davamlı sülhün dəstəklənməsinə yönəlmiş bütün müvafiq və konstruktiv təşəbbüsləri alqışlayırıq”, – bəyanatın 9-cu paraqrafında qeyd olunub.
Bildirilib ki, G20 üzvləri birgə bəyanatda müharibənin insan əzabından və onun qlobal ərzaq və enerji təhlükəsizliyinə mənfi təsirindən şikayətlənib.
Qeyd edək ki, 18-19 noyabr tarixlərində G20 liderlərinin Rio-de-Janeyroda sammiti keçirilib. Sammitdə Rusiyanı Xarici İşlər Nazirliyinin başçısı Sergey Lavrov təmsil edib.
Kopyalandı
Seçilmişlər
