Günəş aktivliyi 2030-cu ilə qədər minimum səviyyəyə çatacaq?

Astronomlar Günəş aktivliyinin 2030-cu ilə qədər minimum səviyyəyə çatacağını proqnozlaşdırırlar.

Bunu rusiyalı alim Aleksandr Alekseyev mediaya açıqlamasında deyib.

Onun sözlərinə görə, Günəş aktivliyinin azalması tədricən baş verəcək və bu dövrdə ayrı-ayrı alovlanmalar müşahidə oluna bilər:

“Minimum aktivliyə 2030-cu ilə qədər çatılmalıdır. Aktivliyin azalması mərhələli şəkildə gedəcək və təcrid olunmuş partlayışlar mümkündür. Hazırda proqnozlar göstərir ki, bu il iyunun ortalarında Günəşin uzaq tərəfində yerləşən aktiv zonalar görünən hissəyə keçəcək və bu da alovlanma ehtimalını artıracaq”.

Alekseyev həmçinin vurğulayıb ki, Yer səthinə çatan Günəş radiasiyasının miqdarı ilin fəsillərindən asılı olaraq əhəmiyyətli dərəcədə dəyişir:

“Yay aylarında Yerə daha çox günəş işığı çatır və atmosfer tərəfindən daha az zəiflədilir. Bu səbəbdən yayda Günəş işığında ultrabənövşəyi şüalanmanın payı artır. Açıq havada istirahət planlaşdırarkən bu amili nəzərə almaq vacibdir”.