Gürcüstanda polislə aksiyaçılar arasında qarşıdurma yaşanıb

Rusiyanın xarici işlər naziri Sergey Lavrovun qızının Gürcüstanın Kaxeti bölgəsindəki “Kvareli Leyk” hotelində olması xəbəri qonşu ölkədə etirazlarla qarşılanıb.

Belə ki, aralarında müxalifət liderlərinin də olduğu etirazçılar hotelin yaxınlığına toplanaraq aksiya keçiriblər. Əraziyə çox sayda polis və xüsusi təyinatlılar cəlb edilib.

Gürcüstan mətbuatında yayılmış məlumatlara görə, sözügedən hotel tam mühafizə edilib və orada Sergey Lavrovun kürəkəni Aleksandr Vinokurovun qardaşının toy mərasimi üçün hazırlıqlar görülür. Nazir qızının da həmin hoteldə qaldığı bildirilib.

Hotelin yaydığı məlumatda isə qonaqlar arasında Lavrova soyadlı heç kimin olmadığı qeyd edilib.