Hakan Fidan Təl-Əvivi nədə günahlandırdı?

15 sentyabr 2025 203 baxış

“İsrailin hərəkətləri Fələstin ərazilərindən kənara çıxıb və regional ekspansionizmə çevrilib”.

Bunu Türkiyənin xarici işlər naziri Hakan Fidan Qətərin “Əl-Cəzirə” və “Qatar TV” telekanallarına müsahibəsində deyib.

“Burada bu gün belə bir hava müşahidə etdim. Artıq məsələ yalnız bizim bölgəmizdəki Fələstin-İsrail münaqişəsi deyil. Söhbət təkcə İsrailin Fələstini işğal etməsi və Qəzzada soyqırımı davam etdirməsi məsələsindən getmir.

Eyni zamanda bu, İsrailin bölgədə ekspansionizm siyasəti aparması məsələsidir. Ona görə də həm ərəb ölkələri, həm də islam ölkələri bu məsələnin qarşısını almaq və beynəlxalq ictimaiyyəti hərəkətə gətirmək üçün müvafiq məsələləri müzakirə edəcəklər”, – deyə o qeyd edib.

Nazir bildirib ki, İsrail ekspansionizminin əsas səbəbi ölkə ərazisini genişləndirmək və “Böyük İsrail” qurmaq planıdır. Bunun səbəbi isə İsraillə qonşu ölkələrin zəif, təsirsiz və parçalanmış halda olmasıdır.

#Türkiyə Xarici İşlər Nazirliyi