Rusiya Ordusu Ukraynaya dronlarla hücum etdi - Baku TV

Rusiya qüvvələri Ukraynanın hərbi-sənaye kompleksi, enerji obyektləri və liman infrastrukturuna kütləvi zərbələr endirib. Mərmilərdən bəziləri Kiyevin yaxınlığında yerləşən dəmiryolu qovşağına düşüb.

Məlumata görə, Rusiya ötən sutka ərzində Ukraynaya ümumilikdə 653 PUA və 51 raketlə hücum edib. Dronlardan 585-i, raketlərdən isə 30-u hava hücumundan müdaifə sistemləri vasitəsilə zərərsizləşdirilib. Lakin buna baxmayaraq, mərmilərdən bəziləri hədəfə dəyib.

Kremençuqun bombalanması nəticəsində 1 nəfər mülki şəxs ölüb. Zaporojye vilayətinin atəşə tutulması zamanı isə bir nəfər xəsarət alıb, yaşayış binalarına, avtomobillərə və infrastruktura ciddi ziyan dəyib.

Ukrayna qüvvələri Pokrovsk da daxil olmaqla, bir çox istiqamətdə Rusiya Ordusunun onlarla hücumunu dəf edib. Bu zaman qarşı tərəfin çox sayda tankı, zirehli texnikası və artilleriya sistemi sıradan çıxarılıb.