İsrailin Baş naziri siyasətdən gedəcək?

08 dekabr 2025 141 baxış

“Almaniya bəzi avropalı tərəfdaşlarından fərqli olaraq, yaxın gələcəkdə Fələstini dövlət kimi tanımaq niyyətində deyil”.

Bunu Almaniya Kansleri Fridrix Merts İsrailin Baş naziri Benyamin Netanyahu ilə birgə keçirdiyi mətbuat konfransında deyib.

Almaniya hökumətinin başçısı qeyd edib ki, ilk növbədə sülh planının mərhələli şəkildə həyata keçirilməsi vacibdir:

"Sonunda nə olacağını bu gün heç kim bilmir. Vəziyyət belə olduğu üçün Almaniya hökuməti digər Avropa dövlətlərindən fərqli olaraq Fələstin dövlətini vaxtından əvvəl tanımaqdan imtina edib. Biz yaxın gələcəkdə bunu etməyəcəyik", – deyə Merts bildirib.

Onun fikrincə, hazırda Fələstin dövlətinin yaradılması üçün heç bir şərait yoxdur.

Konfrans zamanı Netanyahu dekabrın sonunda Prezident Trampla görüşəcəyini açıqlayıb.

O əlavə edib ki, Trampla görüşü zamanı sülh üçün mümkün perspektivlər, eləcə də HƏMAS qruplaşmasının Qəzzadakı hakimiyyətinə son qoyulması müzakirə olunacaq.

#Almaniya