Hakan Fidan və Blinken arasında vacib müzakirə

01 dekabr 2024 202 baxış

ABŞ-nin dövlət katibi Entoni Blinkenlə Türkiyənin xarici işlər naziri Hakan Fidan Suriya, Qəzza, Ukrayna və Cənubi Qafqazı müzakirə ediblər.

Bu barədə Türkiyənin Xarici İşlər Nazirliyi məlumat yayıb.

Telefon danışığı zamanı Hakan Fidan Türkiyənin bölgədə qeyri-sabitliyi artıracaq hər hansı inkişafa qarşı olduğunu və bu çərçivədə gərginliyin azaldılmasının vacibliyini vurğulayıb.

Nazir qeyd edib ki, Suriyada sülh və əmin-amanlığın bərqərar olması üçün rejim və müxalifət arasında siyasi proses başa çatdırılmalıdır.

O, Türkiyənin özünə və Suriyanın mülki əhalisinə qarşı terror fəaliyyətinə heç vaxt icazə verməyəcəyinə diqqət çəkib.

Söhbət zamanı Ukrayna və Cənubi Qafqaz, eləcə də Qəzza zolağı ilə bağlı məsələlər müzakirə olunub.

Hakan Fidan bildirib ki, İsrail Livanda atəşkəsin daimi olması üçün verdiyi vədlərə əməl etməlidir. Qəzzada tezliklə atəşkəsin yaradılması və bölgəyə humanitar yardımların çatdırılması lazımdır.

#ABŞ