Hansı ərazilər ələ keçirildi? | Rusiya MN hücumla bağlı təcili məlumat yaydı

Rusiya hava hücumundan müdafiə qüvvələri dekabrın 1-dən 2-nə keçən gecə Ukrayna Silahlı Qüvvələrinə məxsus 17 pilotsuz uçuş aparatını məhv edib.

Bu barədə ölkənin Müdafiə Nazirliyi məlumat yayıb.

Bildirilib ki, bununla da Kiyev rejiminin növbəti terror hücumunun qarşısı alınıb. PUA-lardan 8-i Kursk, 6-sı Bryansk, 2-si Krım, 1-i isə Belqorod vilayəti üzərində zərərsizləşdirilib. Hadisə nəticəsində insan tələfatının olmadığı deyilir.

Rusiya Silahlı Qüvvələri də son sutka ərzində Ukraynanın bir neçə şəhərinə raket və PUA-larla hücum edib. Bununla yanaşı, Ukraynanın Donetsk vilayətinin Petrovka və İlyinka yaşayış məntəqələri ələ keçirilib.

Məlumatı Rusiya Müdafiə Nazirliyi təsdiqləyib. Bildirilib ki, bundan əlavə, son sutka ərzində Rusiya Silahlı Qüvvələri Ukraynanın hərbi aerodromlarına da zərbə endirib.