Hücum hazırlığı ifşa olundu | ABŞ İsrail-İran gərginliyinə niyə icazə verir?

İsrail İrana may ayının 28-də hücum etməyə hazırlaşır. Belə bir iddia ilə “The New York Times” çıxış edib.

Bu iddia ABŞ-nin kəşfiyyat məlumatları əsasında yaranıb.

Bildirilib ki, İsrail xəbərdarlıq etmədən İrana məxsus nüvə istehsalı obyektlərinə aviazərbələr endirməyə hazırlaşır.

Nəşrin iddialarına görə, ABŞ Prezidenti Donald Tramp İsrailin Baş naziri Benyamin Netanyahu ilə bu məsələni müzakirə edib və razılıq əldə edilib.

ABŞ kəşfiyyatı isə düşünür ki, Təl-Əviv Tehranı hədəf seçsə, cavab atəşi yubanmayacaq. Belə olan halda, tərəflər arasında artan gərginliyi yalnız Ağ Ev yoluna qoya bilər.

Ağ Ev belə gücə malikdirsə, niyə İsrail-İran gərginliyinin artmasına icazə verib?

Səbəb İranın nüvə proqramı ilə bağlı tutduğundan əl çəkməməsi və ABŞ ilə danışıqlara getsə də, güzəştə getməməsidir.

İranın “bizə qarşı qüvvədə olan sanskiyaları aradan qaldırsalar, biz də nüvə proqramımıza nəzarət üçün icazə verərik” cavabı ziddiyyətləri artırdı.

Nəzərə alsaq ki, “İran İsraili, İsrail isə İranı vuracaq” tipli xəbərlər tez-tez tirajlanır, ekspertlər hücumun baş verməyəcəyini düşünürlər.

Ən pis halda, hər iki ölkə öz hava məkanlarını müvəqqəti bağlayıb, bəzi reysləri təxirə sala bilər.