İran ABŞ-yə cavab verdi | Yaxın Şərqdə gərginlik pik həddə - Baku TV

İran İslam İnqilabı Keşikçiləri Korpusu Amerika Birləşmiş Ştatları banklarının Yaxın Şərq və Fars körfəzi ölkələrindəki bir sıra filiallarına hücum edib.

SEPAH-ın sözçüsü general Əli Məhəmməd Naini bildirib ki, hücum ABŞ-nin İran banklarını hədəf almasına cavab xarakterlidir:

"Əgər ABŞ bu addımı təkrarlasa, bölgədəki Amerika banklarının bütün filialları bizim qanuni hədəfimiz olacaq".

Hücuma gəldikdə isə İran ABŞ və İsrailin Tehranda İslam Respublikasının banklarına hücumlarına cavab olaraq "Citibank"ın Birləşmiş Ərəb Əmirliklərinin Dubay şəhəri və Bəhreynin paytaxtı Manamadakı filiallarına hücum edib.

Həmçinin İran Silahlı Qüvvələri ölkənin cənub-qərbində Amerika Birləşmiş Ştatlarına məxsus bunkerləri dağıtmaq üçün istifadə olunan raketi vurduğunu da iddia edir.

Bu barədə isə İslam Respublikasının dövlət televiziyası məlumat yayıb.

Xəbərə görə, sursat İranın Lende şəhəri üzərində zərərsizləşdirilib. Raketin hansı konkret növə aid olduğu isə hələlik açıqlanmayıb.