Trampın təhdidlərinə cavab verildi

İslam İnqilabı Keşikçiləri Korpusu Şərqi Aralıq dənizində yerləşən qaz yataqlarını hədəf ala bilər.

Bu, SEPAH-ın ABŞ-yə son xəbərdarlığında yer alıb.

"Trampın təhdidlərinə cavab olaraq, İran Şərqi Aralıq dənizində böyük qaz ehtiyatı olan Kariş və Tanin yataqları ilkin hədəf kimi irəli sürüb", – deyə bəyanatda bildirilib.

Qeyd edək ki, Kariş Aralıq dənizinin şərq hissəsində, İsrailin şimal sahillərindən təxminən 90-100 km məsafədə yerləşən təbii qaz yatağıdır. 2013-cü ildə kəşf edilən bu yataq İsrailin enerji təhlükəsizliyi və ixrac potensialı üçün strateji əhəmiyyət kəsb edir. Yataqdan ilk qaz hasilatına 2022-ci ilin oktyabrında başlanılıb. İlkin hesablamalara görə, yataqda təxminən 28–42 milyard kubmetr qaz ehtiyatı var.

Tanin qaz yatağı da Aralıq dənizinin şərq hissəsində, İsrail sahillərindən təxminən 120 km məsafədə yerləşir. 2024-cü ilin sonuna olan məlumata görə, Tanin yatağında təxminən təxminən 26 milyard kubmetr qaz və 4,4 milyon barel kondensat ehtiyatı olduğu təxmin edilir.