İrandan İsrailə hücumla bağlı təcili qərar | Qaçmağa yeriniz olmayacaq!

İranın Ali Rəhbəri Ayətullah Əli Xamenei İsrailə hücum üçün hazırlıq əmri verib.

Bu barədə xarici KİV məlumat yayıb.

Xəbərə görə, Əli Xamenei İsrailin hücumlarında İranın raket istehsalı gücünə, Tehran ətrafındakı hava hücumundan müdafiə sistemlərinə və mühüm enerji infrastrukturuna dəyən zərərin miqdarı ilə bağlı yüksəkrütbəli hərbi komandirlərin geniş hesabatını nəzərdən keçirdikdən sonra bu qərarı verib.

Həmçinin bildirib ki, İsrailin hücumlarına cavab verilməsə, İran məğlubiyyəti qəbul etmiş olar.

Bəlli bəyanatdan sonra İran İnqilabı Keşikçiləri Korpusunun komandanı Hüseyn Səlami yüksəkrütbəli şəxslər qarşısında çıxış edərək bildirib ki, İsrailə “ağlasığmaz cavab” veriləcək:

“Od dənizi”ndə yaşaya bilməzsən. Sən balacasan, heç qaçmağa yerin də yoxdur. Bir neçə raket atmaqla İslam adlı böyük dövlətin hökmranlıq hekayəsini dəyişdirə biləcəyinizi düşünürsünüz. Tərəfimizdən icra edilən 2 əməliyyatda səmanızın necə çatladığını gördünüz. Raket əleyhinə quraşdırdığınız “Dəmir Qübbə”lərin necə işlədiyini də gördünüz. Bütün bunlara baxmayaraq, səhvə yol verdiniz”.