İranın cavab zərbəsi İsraili silkələdi | Casusluq edən şəxs cəzadan qaça bilmədi

İranın İsrailə qarşı cavab zərbələrinin sonuncu raundu iyunun 15-i gecə saatlarında İslam İnqilabı Keşikçiləri Korpusu tərəfindən atılan bir neçə ballistik raketin Təl-Əviv və Hayfadakı hədəfləri vurması ilə başlayıb.

Ballistik raketlər Təl-Əviv, Hayfa, Ben Qurion Hava Limanı və Nevatim aviabazasındakı hədəfləri vurub. Hayfa şəhərində elektrik sistemi sıradan çıxıb. Bundan başqa, İranın Rey şəhərində evlərin birində dron sexi aşkarlanıb. Polis rəisinin sözlərinə görə, çəkisi 200 kq-dən çox olan partlayıcı maddələr tapılıb. O həmçinin 30-a yaxın pər, 33 buraxılış qurğusu və bir çox kamikadze dron avadanlığının aşkarlandığını vurğulayıb.

İran KİV-ləri məlumat yayır ki, İsrail kəşfiyyatı "Mossad" üçün casusluqda təqsirli bilinən şəxs edam edilib. Qeyd olunub ki, edam edilən şəxsin adı Esmail Fekridir. Bu, son həftələrdə İsrailə casusluqla bağlı üçüncü edam olub.

Digər məlumatda İsrailin Zəncan vilayətinə endirdiyi zərbə nəticəsində SEPAH-ın 2 hərbçisinin öldüyü bildirilib.