İrəvanda ermənilərin növbəti etirazı | Sabiq meri qovdular

Ermənistanın paytaxtı İrəvanda Bələdiyyə Şurasının binası qarşısında etiraz aksiyası keçirilib. Bu barədə yerli media məlumat yayıb.

Bildirilib ki, etiraza səbəb ictimai nəqliyyatda gediş haqqının artırılmasıdır.

Nümayişdə iştirak edən İrəvanın keçmiş meri Ayk Marutyan da deyib ki, qiymətlərin bahalaşması tamamilə qanunsuzdur. O, Bələdiyyə Şurasının binasına daxil olmaq istəsə də, polis buna imkan verməyib.

Qurumdan isə bildirilib ki, yeni qaydalara görə, vətəndaşlar istənilən paketi almaqla İrəvanda bütün növ ictimai nəqliyyatdan istifadə edə biləcəklər. Tələbələr və əhalinin xüsusi qrupları endirimli qiymətdən yararlanacaq.

Məlumata görə, qərar 2024-cü il sentyabrın 1-dən qüvvəyə minəcək.