Pleyeri seçin:
İsrail qoşunlarının "taleyi" necə olacaq? - Livan Prezidenti AB-yə üz tutdu
Livan İsraildən ölkənin cənub bölgələrindən qüvvələrini 18 fevrala qədər çıxarmağı tələb edir. Bu müddət 27 yanvarda uzadılmış atəşkəs sazişi çərçivəsində müəyyən edilib.
Belə bir bəyanatı Livan Prezidenti Cozef Aun Beyrutda Portuqaliyanın xarici işlər naziri Paulu Ranjellə görüşdə səsləndirib.
“Biz onların bu tarixə qədər çıxarılmasını gözləyirik və Avropa Birliyindən İsrailə təzyiq göstərməyi və öhdəliklərini yerinə yetirməyə məcbur etməyi xahiş edirik”, – o bildirib.
Bundan əvvəl İsrail qoşunlarını beş sərhəd bölgəsindən çıxarmağı 28 fevrala qədər təxirə salmaq niyyətində olduğunu bildirib. Livan Ordusu bu təklifi rədd edərək, həmin mövqelərə BMT sülhməramlılarının yerləşdirilməsini təklif edib.
Qeyd edək ki, 27 noyabr 2024-cü ildə imzalanmış atəşkəs sazişi Livan Ordusunun cənub sərhədində yerləşdirilməsini və İsrail qoşunlarının 60 gün ərzində çıxarılmasını nəzərdə tuturdu. Bu müddət 18 fevrala qədər uzadılıb.
Kopyalandı
Seçilmişlər
