Pleyeri seçin:
İsrail "Hizbullah"ı vurmağa davam edəcək | Benyamin Netanyahu
“İsrail Beyrut da daxil olmaqla bütün Livanda “Hizbullah”a hücumu davam etdirəcək”.
Bunu İsrailin Baş naziri Benyamin Netanyahu Livan ərazisindən hücuma məruz qalan ordunun bazasını ziyarət edərkən deyib.
“Biz Beyrut da daxil olmaqla Livanın bütün bölgələrində “Hizbullah”a amansızcasına zərbələr endirməyə davam edəcəyik”, – deyə o bildirib.
Baş nazirin sözlərinə görə, İsrail İranın şər oxuna qarşı çətin mübarizə aparır.
“Mübarizəni davam etdiririk, ağır itkilər olsa da, böyük uğurlar əldə etmişik”, – deyə B.Netanyahu vurğulayıb.
Qeyd edək ki, oktyabrın 13-də axşam saatlarında İsrail Ordusu Qolani briqadasının əsgərlərinin təlim keçdiyi bazanın “Hizbullah” tərəfindən hücuma məruz qaldığını bildirmişdi. Ordu 4 əsgərin ölümünü rəsmən təsdiqləyib. Daha 7 əsgər isə ağır yaralanıb.
Kopyalandı
