İsrail quru əməliyyatları planını təsdiqləyib

İsrail Müdafiə Qüvvələrinin Baş Qərargah rəisi Eyal Zamir Livanda hədəflənmiş quru əməliyyatları planını təsdiqləyib.

Bu barədə İsrail Ordusunun mətbuat xidməti məlumat yayıb.

"Hizbullah" terror təşkilatına qarşı əməliyyat yeni başlayıb. İrandakı əməliyyat başa çatdıqdan sonra "Hizbullah" tək qalacaq və təcrid olunacaq. Bu, uzunmüddətli bir əməliyyatdır və biz buna hazırıq", – deyə ordu rəsmisi bildirib.

O əlavə edib ki, İsrail Ordusu hazırda mütəşəkkil plana uyğun olaraq hədəfə alınan yerüstü əməliyyatları və zərbələri irəlilətməyə hazırlaşır.

Baş Qərargah rəisinin sözlərinə görə, İsrail ölkənin şimalındakı sakinlər üçün uzunmüddətli təhlükəsizlik təmin olunana qədər dayanmayacaq.

Bu arada, İsrailin 2 mart tarixindən bu yana Livana qarşı həyata keçirdiyi hava hücumları nəticəsində ölənlərin sayı 1029-a çatıb. Bu barədə ölkənin Səhiyyə Nazirliyi məlumat yayıb.