İsraildən İrana qarşı “Şir nərəsi” əməliyyatı | Tramp açıqlama verdi - Baku TV

ABŞ İranda genişmiqyaslı hərbi əməliyyatlara başlayıb.

Bu barədə ABŞ Prezidenti Donald Tramp bildirib.

“Qısa müddət əvvəl İranda mühüm hərbi əməliyyatlara başladıq. Məqsəd ABŞ vətəndaşlarını İrandan gələ biləcək təhdidlərdən qorumaqdır. İranın raket sənayesini və donanmasını məhv edəcəyik. Bu rejim heç vaxt nüvə silahına malik ola bilməz. Buna görə də ötən ilin iyununda rejimin nüvə obyektlərini darmadağın etdik. Amma İran onilliklərlə olduğu kimi, yenə də öz nüvə ambisiyalarından imtina etməyib və biz artıq buna dözə bilmərik. Fikirləşin ki, bu rejimin nüvə silahı olsa, onlar özlərini necə güclü hiss edərlər”, – deyə Tramp qeyd edib.

Bu arada, İsrailin İrana qarşı həyata keçirdiyi növbəti hücum əməliyyatlarının adı açıqlanıb. “The Times of Israel” xəbər verir ki, İsrail əməliyyatları “Şir nərəsi” adlandırıb.