Kadırovun ənənəsi davam edir: Qohumlarına yüksək vəzifə

Rusiyanın Çeçenistan Respublikasının Baş naziri Müslüm Xuçiyev Ayşət Kadırovanın Çeçenistan hökuməti sədrinin sosial məsələlər üzrə müavini vəzifəsinə təyin edilməsini təklif edib.

Respublikanın lideri Ramzan Kadırov da qızının Baş nazirin müavini vəzifəsinə təyin edilməsi qərarını dəstəkləyib. Bu barədə Ramzan Kadırov teleqramda məlumat verib.

“Müslüm Xuçiyevin təkliflərini dəstəkləyirəm. Sözsüz ki, Ayşət Kadırova Regional Mədəniyyət Nazirliyinin fəaliyyətinin təkmilləşdirilməsinə böyük töhfə verib və mühüm iş təcrübəsi toplayıb.”, - deyə Respublika lideri vurğulayıb.