Kallas ölkələri Rusiyaya təzyiq göstərməyə çağırdı
Avropa diplomatiyasının rəhbəri Kaya Kallas Yaxın Şərqdəki vəziyyətin Rusiya və Ukrayna arasındakı münaqişə ilə əlaqəli olduğunu qeyd edib.
Bu barədə Kallas özünün "X" sosial şəbəkə hesabında yazıb.
Onun sözlərinə görə, "Böyük yeddilik" ölkələrinin xarici işlər nazirlərinin qarşıdakı görüşündə nəinki Yaxın Şərqdə deeskalasiya yolları, həmçinin Ukraynadakı vəziyyət də müzakirə olunacaq.
"Yaxın Şərqdəki və Ukraynadakı müharibələr bir-biri ilə sıx bağlıdır. Müharibənin nəticələri bütün dünyada kəskin hiss olunduğu üçün "Böyük yeddilik"dən olan tərəfdaşlarımızla birlikdə Yaxın Şərqdə deeskalasiyaya necə töhfə verməyi müzakirə edəcəyik", – deyə paylaşımda qeyd olunub.
"Eyni zamanda Ukraynanı diqqətdən kənarda qoya bilmərik. Rusiyanın əhaliyə və mülki infrastruktura hücumları hər gün güclənir. Rusiyanın bu müharibəni dayandırması və vicdanla danışıqlar aparması üçün ona təzyiq göstərməyə davam etməliyik", – deyə Kallas vurğulayıb.
#Avropa Komissiyası teqi istifadə olunub
- Avropanın enerji təhlükəsizliyinin təmin olunmasında Azərbaycanın rolu - Baku TV
- Cənub Qaz Dəhlizinin strateji rolu vurğulanıb - Baku TV
- Prezident Azərbaycanın Avropanın enerji təhlükəsizliyindəki rolunu vurğuladı - Baku TV
- Avropa enerji məsələsinə görə narahatdır
- AK prezidentindən Ukraynaya ayrılan 90 milyardlıq kreditlə bağlı açıqlama - Baku TV CANLI
