Kamala Harrisin qalmaqallı çıxışı | ABŞ-yə od püskürən tələbəyə nələr dedi?
ABŞ vitse-prezidenti və prezidentliyə namizəd Kamala Harris Milvaukidə keçirilən bir müzakirədə İsrailin soyqırımı törətdiyini “gerçək” adlandırıb. Bu barədə “Yerusəlim Post” yazıb.
Bildirilib ki, görüşdən yayılan videoda Viksonsin-Milvauki Universitetindəki bir qrup tələbə ilə görüşü zamanı bir tələbə Qazzadakı soyqırımı haqqında sualla Harrisin sözünü kəsdiyi görünür.
“Sizin danışmaq hüququnuza hörmət edirəm. Nədən danışdığınızı bilirəm. Mən atəşkəs istəyirəm. Müharibənin sona çatmasını istəyirəm”, – deyə Harris bildirib.
Daha sonra tələbə Harrisə doğru yaxınlaşaraq, “Soyqırımı, elədirmi? Siz soyqırımına milyardlarla dollar xərclədiniz”, – deyə davam edib.
Bu zaman təhlükəsizlik qüvvələri tələbəni zaldan çıxarmağa çalışıb.
Harris isə “Dinləyin, onun danışdığı şey gerçəkdir. Bu gerçəkdir. Bu gün müzakirə etmək üçün gəldiyim mövzu deyil, amma bu gerçəkdir və onun səsinə hörmət edirəm”, – deyə vurğulayıb.
ABŞ-nin sabiq səfiri Devid Fridman “Nyu York Post”a bildirib ki, Harris “İsrailin soyqırımı törətdiyi” ilə bağlı yalan ittihamı ictimai şəkildə təsdiqlədi.