İsraildən "Hizbullah"a ağır zərbə | Hücum barədə detallar ortaya çıxdı

İsrail Hərbi Hava Qüvvələrinə məxsus təyyarələr Beyrutun cənubunda Rafik Həriri Beynəlxalq Hava Limanından 500 metr aralıda “Hizbullah” təşkilatının obyektinə zərbələr endirib.

Bombardman yerindən səmaya qatı qara tüstü qalxıb.

“Görünür, zərbələr həmin bölgədə yerləşən yanacaqdoldurma məntəqəsinə endirilib”, – deyə məlumatda qeyd olunub.

2 saat ərzində İsrail Hərbi Hava Qüvvələri Beyruta 11 hava hücumu həyata keçirib. “Hizbullah”ın fəaliyyətinə maliyyə dəstəyi göstərən təşkilatın ofislərinin yerləşdiyi binalara 4 dəfə zərbə endirilib.

Bu arada, Livanda İsrail Hərbi Hava Qüvvələrinin endirdiyi zərbələr nəticəsində son 1 gün ərzində 16 nəfər ölüb, 59 nəfər yaralanıb. Ən çox qurbanların ölkənin cənub bölgələrində olduğu qeydə alınıb.

Bundan əlavə, 2023-cü ilin oktyabrında hərbi eskalasiya başlayandan bəri İsrailin hücumları nəticəsində itkilər barədə məlumatlar yenilənib. Beləliklə, ölənlərin sayı 2464, yaralıların sayı isə 11 530 nəfər olub.