Türkiyənin adı BMT ilə bağlı mövzuda çəkilmədi | Lavrovdan qalmaqallı müsahibə

21 oktyabr 2024 228 baxış

“Hindistan, Braziliya kimi ölkələr və onlarla birlikdə Afrika nümayəndələri çoxdan Təhlükəsizlik Şurasının daimi əsasda üzvü olmalıdırlar”.

Bu sözləri Rusiyanın xarici işlər naziri Sergey Lavrov “Arqumenti i Faktı” nəşrinə müsahibəsində deyib.

Onun sözlərinə görə, BMT Təhlükəsizlik Şurasında “dünya çoxluğunun təmsilçiliyini” təmin etmək lazımdır.

Hazırda BMT Təhlükəsizlik Şurasının 5 daimi üzvü var: Rusiya, ABŞ, Fransa, Böyük Britaniya və Çin. Mövcud nizama qarşı ən ciddi tənqidlər səsləndirən isə Türkiyə Prezidenti Ərdoğandır. Onun “Dünya 5-dən böyükdür” sözləri artıq beynəlxalq siyasi şüara çevrilib. S.Lavrov isə Hindistanın, Braziliyanın, hətta Afrika ölkələri nümayəndələrinin BMT TŞ-nin daimi üzvü kimi adını çəksə də, hazırkı beynəlxalq əlaqələr sistemindəki rolu, türk və islam aləmindəki nüfuzu danılmaz olan Türkiyəni qeyd etmək istəməyib.

#Rusiya XİN