Kanak xalqı çətin vəziyyətdə | Yeni Kaledoniyanı hansı fəlakət gözləyir?
“Yeni Kaledoniya nikel yataqlarına görə dünyada dördüncü yerdədir və Fransa metropoliyası yüz ildən artıqdır ki, burada hasilatla məşğuldur. Bir sözlə, Fransa Yeni Kaledoniyanın təbii ehtiyatlarını tükəndirir. Biz yalnız 2024-cü ildə nikel vergisini tətbiq edə və bu vergilərdən gələn gəlirlər vasitəsilə gələcək nəsil üçün fond yarada bildik”.
Bunu Yeni Kaledoniyanın xarici işlər naziri Mikael Forrest “Dekolonizasiya, beynəlxalq diplomatiya və müasir dünyada kommunikasiyanın rolu” mövzusunda dəyirmi masa müzakirələrində və mətbuat konfransında deyib.
O qeyd edib ki, bu, irqi ayrı-seçkiliyin ən kəskin formasıdır.
“Burada işləmək, öz dilimizdə danışmaq, bayıra çıxmaq hüququmuz yox idi, çoxsaylı neqativ hallarla qarşılaşdıq. Bütün bunlar kanak xalqına ciddi təsir göstərdi”, – deyə M.Forrest bildirib.
![icon](/images/loading.png)