Lukaşenko Ermənistana qarşı sərt çıxış etdi | Sabah Makron olmayacaq və hamı Ermənistanı...

"Postsovet regionunun bəzi ölkələri Rusiyadan nəsə əldə etmək istəyirlər".

Bu sözləri Belarus Prezidenti Aleksandr Lukaşenko "Rossiya" telekanalına müsahibəsində deyib.

A.Lukaşenko açıqlamasında fövqəladə hal olarsa, MDB ölkələrinin kömək üçün Rusiya və Belarusa müraciət edəcəklərindən əminliyini də ifadə edib.

O həmçinin Ermənistanın hazırkı rəhbərliyinin siyasətinə də söz atıb:

"Biz – Belarus və Rusiya faktiki olaraq eyni gəmidəyik. Gəmi çevrilərsə, ikimiz də boğulacağıq. Rusiya da, Belarus da. Nə gizlədək? Biz – Belarus bəzi postsovet dövlətlərimiz kimi oyun oynamağa başlamırıq. İstəyirlər ki, Rusiyadan nəsə əldə etsinlər, amma əvəzində heç nə verməsinlər. Gəlin, birlikdə olaq. Həmin Rusiyaya gəlib dəstək, kömək istəyəcəyiniz vaxt uzaqda deyil.

Başqa kim var ki? Qazaxıstanda nəsə oldu. Kimdən dəstək istədilər? Çin? Hindistan? Pakistan? Yox, Vladimir Putinə üz tutdular və biz qüvvələrimizi yerləşdirdik. Günorta saatlarında təyyarələrimiz ora endi, sakitləşdirdik.

Bunu məzəmmət üçün demirəm. Ermənistana gəldikdə isə ermənilər bizdən başqa kimə lazımdır? Heç kimə! Qoy öz iqtisadiyyatlarını inkişaf etdirsinlər və sahib olduqlarına diqqətlərini cəmləsinlər. Nə Fransa? Nə Emmanuel Makron? Sabah E.Makron olmayacaq və hamı Ermənistanı unudacaq”.

A.Lukaşenko onu da bildirib ki, indiki vəziyyətdə Ermənistan region ölkələri ilə münasibətləri inkişaf etdirməlidir.