Pleyeri seçin:
Melissa qasırğası güclənməkdə davam edir
Melissa qasırğası sürətlə güclənərək 4-cü kateqoriyalı qasırğaya çevrilib və sürəti 220 km/saat təşkil edir.
Məlumata görə, Melissa Kubadakı Quantanamodan təxminən 450 km məsafədə yerləşir və qərbə doğru hərəkət edir.
Yamaykanın Meteorologiya Xidmətinin baş direktoru Evan Thompson bildirib ki, qasırğa dördüncü kateqoriyada Yamayka üzərindən keçəcək və bu, çox ciddi təsirlər yarada bilər.
Qasırğa adanın şərq və cənub-mərkəzi hissələrinə təxminən 500-750 mm yağış gətirə bilər. Dağlıq ərazilərdə isə bu rəqəm 760 mm-dən çox ola bilər. Bu isə ölkə boyu ciddi daşqınlara və sürüşmələrə səbəb ola biləcək miqdarda yağıntıdır.
Məlumata əsasən, Melissa qasırğası çərşənbə axşamı axşam saatlarında Yamayka və Kubanın cənub-şərqinə yaxınlaşarkən güclü tropik fırtına və fəlakətli küləklərlə müşayiət olunacaq.
Yamayka hökuməti əhalini ehtiyat tədbirləri görməyə, aşağı ərazilərdə yaşayanları isə təhlükəsiz zonalara köçməyə çağırıb.
Kopyalandı
