Miqrantların Rusiyaya üz tutmasının səbəbləri nədir? | Komitə sədrindən açıqlama

Bu ilin 4 ayında Rusiya paytaxtına 1 milyon 200 min miqrant gəlib. Bunu Rusiya İstintaq Komitəsinin sədri Aleksandr Bastrıkin bildirib.

Onun sözlərinə görə, yanvar-aprel ayları ərzində Sankt-Peterburqa da 860 min əcnəbi gəlib.

Bastrıkin qeyd edib ki, miqrantlar Rusiyaya iqtisadi və siyasi səbəblərdən üz tuturlar. O, miqrantlar arasında ekstremist xarakterli cinayətlərin artımının 147% təşkil etdiyini söyləyib.

Bastrıkin əlavə edib ki, Rusiyada daha öncə yaşamış 30 min miqrant vətəndaşlıq alıb və onların 10 mini artıq Donbası qorumaq üçün xüsusi əməliyyat zonasına göndərilib.

İstintaq Komitəsinin sədri ölkədə hazırda nə qədər miqrantın olduğunu açıqlamayıb. Onun sözlərinə görə, əhalinin tərkibi baxımından Rusiyada hər onuncu şəxs xarici vətəndaşdır.

Bastrıkin ölkə ərazisində qeyri-qanuni qalmaya görə məsuliyyətin artırılmasını da təklif edib.