Moskva terrorunun şübhəliləri barəsində həbs qətimkan tədbiri seçildi

Moskvanın Basmannı rayon məhkəməsi martın 22-də “Crocus City Hall” konsert zalında terror aktı törətməkdə şübhəli bilinən şəxslər barəsində 2 ay müddətinə həbs qətimkan tədbiri seçib. Onlar mayın 22-dək həbsdə qalacaqlar.

Şübhəli şəxslərin barəsində Rusiya Cinayət Məcəlləsinin tələfatla nəticələnən terrorçuluq maddəsi ilə cinayət işi açılıb. Onlar ömürlük həbs cəzasına məhkum oluna bilərlər.

Qeyd edək ki, martın 22-də Rusiyanın paytaxtındakı “Crocus City Hall”da “Piknik” qrupunun konsertinə gələn tamaşaçıları güllələyən və daha sonra yanğın törədən terrorçuların qurbanları son məlumatlara görə, 182 nəfər olub, 180 nəfər isə yaralanıb və yanıq xəsarətləri alıb.