Moskvada güclü leysan yağışları ciddi fəsadlar törətdi - Baku TV

Moskvada güclü leysan yağışları yağıb.

Son günlər 30 dərəcədən yuxarı isti hava şəraitinin müşahidə olunduğu Rusiya paytaxtı qəfil yağıntıların təsirinə məruz qalıb.

Güclü yağış nəticəsində şəhərin mərkəzində yerləşən Kutuzov prospekti su altında qalıb. Bir çox avtomobillər yollarda və suların içində qalıb, bəzi ticarət mərkəzlərini də su basıb. Nəticədə, şəhərin bir sıra ərazilərində nəqliyyatın hərəkətində ciddi çətinliklər yaranıb.

İldırımla müşayiət olunan güclü yağışlar səbəbindən Moskva şəhəri və Moskva vilayətində narıncı təhlükə səviyyəsi elan edilib.

Əlverişsiz hava şəraiti ilə əlaqədar 300 briqada və 290 texnika şəhər küçələrində növbətçiliyə cəlb olunub. Moskva şəhər xidmətləri gücləndirilmiş iş rejiminə keçib, yağışın yaratdığı fəsadların aradan qaldırılması istiqamətində işlər davam etdirilir.