Moskvadakı terrora xüsusi hazırlıq | Dəhşətli detallar üzə çıxdı

Rusiya mediasında terror aktı törətməkdə şübhəli bilinən şəxslərlə bağlı bəzi detallar açıqlanıb.

Mətbuatın yazdığına görə, təşkilatçılar Rusiyadan sonra daha bir terror aktını da Mərkəzi Asiya ölkələrində planlaşdırırmış.

Saxlanılanlardan biri bildirib ki, növbəti terror həyata keçiriləcəyi təqdirdə silahlı qruplaşma üzvlərinə ümumilikdə 500 min rubl vəsait vəd edilib.

Ekstrimal vəziyyətlərin araşdırılması istiqamətində çalışan ekspertlər isə hesab edirlər ki, ələ keçirilən şəxslər təcrübəli terrorçu deyillər. Başqa sözlə, onlar cəmi 2-3 həftə ərzində bu terakta hazırlaşdırılıblar.

Qeyd edək ki, hadisə ilə bağlı 11 nəfər tutulub. Mətbuatın yazdığına görə, onlardan 4-ü məkanın giriş-çıxış və təxliyə koordinatlarını yadda saxlaya bilmək üçün son bir həftə ərzində dəfələrlə “Crocus City Hall”a gedərək kəşfiyyat aparıblar. Digər şəxslər isə terror aktına hazırlıq görməkdə ittiham olunurlar.