Nazirdən ABŞ-nin planları barədə diqqətçəkən açıqlama
ABŞ-nin hərbi naziri Pit Heqset bildirib ki, Vaşinqton uzun illər digər dövlətlərin təhlükəsizliyini təmin etməyə üstünlük verib və indi əsas diqqət ölkə ərazisinin müdafiəsinə yönəldiləcək.
Bu barədə Pentaqonun yaydığı məlumatda qeyd olunub.
Heqset açıqlamanı Vaşinqtonda 34 ölkənin hərbi rəhbərliyinin iştirakı ilə keçirilən görüşdə səsləndirib.
Nazirin sözlərinə görə, hazırkı administrasiya ABŞ ərazisinin müdafiəsini yenidən milli silahlı qüvvələrin əsas prioritetinə çevirmək niyyətindədir. O bildirib ki, ABŞ uzun müddət başqa ölkələrin təhlükəsizliyini təmin edib və bu zaman öz təhlükəsizliyinə lazımi diqqət ayırmayıb.
Heqset qeyd edib ki, bunun nəticələri həm ABŞ, həm də digər ölkələr üçün ağır olub. Onun sözlərinə görə, fentanil, kokain və digər təhlükəli narkotiklər ABŞ sərhədindən ölkəyə daxil olaraq milyonlarla amerikalının həyatına mənfi təsir göstərib. Nazir əlavə edib ki, bu təhdidlər nəticəsində ölən amerikalıların sayı bəzi müharibələrdəki itkilərdən daha çoxdur.
O həmçinin vurğulayıb ki, son illərdə ABŞ-yə qanunsuz miqrant axını kəskin artıb və buna görə 2025-ci ildə Meksika ilə sərhədin mühafizəsi üçün silahlı qüvvələr cəlb olunub.
#ABŞ teqi istifadə olunub
- ABŞ-nin Avropa ölkələrinə silah tədarükünü təxirə salmasının səbəbi
- Ölkələr arasında geniş perspektivlərin olduğu vurğulanıb - Baku TV
- Vaşinqton Pekinə güzəştə gedir? | Siyasi baxışlarda uyğunluq və ya ziddiyyət - Baku TV
- ABŞ nümayəndə heyəti Ələt limanına baxış keçirib - Baku TV
- Trampın sözündən sonra Çin İranı dəstəkləməkdən geri çəkilir? - AKTUAL GÜNDƏM
