"Yaranan təhdidlərə qarşı dərhal hərəkətə keçəcəyik" | Netanyahudan kritik açıqlama - Baku TV
İsrailin Livanla sülh müqaviləsi bağlamaq üçün tarixi imkanı yaranıb.
Bu barədə İsrailin Baş naziri Benyamin Netanyahu iki ölkə arasında atəşkəs rejiminin tətbiqi ilə bağlı çıxışında bildirib.
"Mən bu çağırışa səs verdim və fasiləyə, daha doğrusu, Vaşinqtonda səfirlər səviyyəsində müzakirəsinə başladığımız razılaşmanın əldə olunması istiqamətində irəliləməyə cəhd etmək üçün 10 günlük müvəqqəti atəşkəsə razılaşdım. Burada sülhün bərqərar olması üçün tarixi şans var", – deyə o bildirib.
Bundan başqa, Netanyahu qeyd edib ki, İsrail Silahlı Qüvvələri təhlükəsizliyin qorunması məqsədilə Livanın cənubundakı bufer zonasını tərk etməyəcək, əksinə, Livanın dərinliklərindəki mövqelərdə qalacaq və yaranan təhdidlərə qarşı dərhal hərəkətə keçəcək.
Onun sözlərinə görə, növbəti 10 gün ərzində Livan hökuməti "Hizbullah"ın ləğv edilməsi üçün praktiki addımlar atmasa, İsrail bunu dərhal güc yolu ilə edəcək.
#Benyamin Netanyahu teqi istifadə olunub
