Netanyahu müharibənin növbəti mərhələsi haqqında fikirlərini söylədi - Baku TV

“Bunun necə bitəcəyini və ya hətta necə irəliləyəcəyini demək üçün hələ tezdir. Müharibənin yenidən başlama ehtimalını nəzərə alaraq, istənilən ssenariyə hazırıq”.

Bunu İsrailin Baş naziri Benyamin Netanyahu İranla davam edən münaqişə haqqında danışarkən deyib.

O qeyd edib ki, İsraillə ABŞ-nin məqsədləri üst-üstə düşür.

“Amerikalı dostlarımız İranla təmasları barədə bizi daim məlumatlandırırlar. Bizim məqsədlərimiz və ABŞ-nin məqsədləri üst-üstə düşür: biz istəyirik ki, zənginləşdirilmiş uran İrandan çıxarılsın, İran uranın zənginləşdirilməsi imkanlarından imtina etsin və əlbəttə ki, boğazlar açıq olsun”, – deyə Netanyahu söyləyib.

Baş nazir həmçinin Livanla davam edən danışıqlara toxunub. Onun sözlərinə görə, İsrail 40 ildən çox müddət ərzində ilk dəfədir ki, Livanla birbaşa danışıqlar aparır:

“İsrail onilliklər ərzində ilk dəfə Livanla “Hizbullah”ın tərk-silah edilməsi və davamlı sülhün bərqərar edilməsinə yönələn birbaşa danışıqlar aparır”.