Niger xalqı Fransa səfirliyinin önündə etiraz etdi

İyulun 31-i Nigerin paytaxtı Niameydə yerləşən Fransa səfirliyinin qarşısında etiraz aksiyası keçirilib.

Minlərlə insan Fransa və Qərbi Afrika Ölkələrinin İqtisadi Birliyinə qarşı keçirilən aksiyada iştirak edib. Etirazçılar səfirliyin qarşısına toplaşaraq “Rədd olsun Fransa!” şüarını səsləndiriblər. Aksiya iştirakçılarının arasında Rusiya bayrağını dalğalandıranlar da olub.

Bildirək ki, etirazların əsas səbəbi ölkədə xarici bazaların olmasıdır. Belə ki, Niameydə Fransanın ən böyük hərbi hava bazası yerləşir. Yerli əhali diplomatik nümayəndəliyin qapısındakı Fransa səfirliyi yazısı olan lövhəni qopararaq binaya daxil olmağa cəhd edib. İğtişaşa baxmayaraq, Fransa hökuməti hələ də Nigerdən öz vətəndaşlarının təxliyəsi ilə bağlı qərar verməyib.

Ölkə prezidenti Emmanuel Makron isə fransızlara qarşı hücumlara sərt cavab verəcəyini vəd edib.