Öldürülən şəxs kimdir? | İsrail Beyruta ağır zərbə endirdi

İsrail Ordusu Livanın paytaxtı Beyrutun cənubuna zərbə endirib.

Bu barədə İsrail Müdafiə Qüvvələri məlumat yayıb.

Aviazərbə "Hizbullahın qalası" kimi tanınan Dahiyə bölgəsinə endirilib.

Məlumata görə, hücum nəticəsində azı 8 nəfər ölüb. Onlardan biri “Hizbullah”ın xüsusi əməliyyatlarına rəhbərlik edən İbrahim Aqil adlı şəxsdir. ABŞ hökuməti onun başına 7 milyon dollar mükafat təyin etmişdi.

Hücum nəticəsində azı 59 nəfərin yaralandığı bildirilib.