Ölkələr İran təhlükəsinə qarşı birləşir?

Suriya İraqla sərhəd boyunca hərbi birləşmələr yerləşdirib.

Bu barədə "Al Arabiya" telekanalı mənbələrə istinadən məlumat yayıb.

Qeyd olunub ki, Suriya Müdafiə Nazirliyi ordunun maksimum döyüş hazırlığı rejiminə keçirilməsi barədə tapşırıq verib. Bu qərarın səbəbləri barədə məlumat verilməyib.

Telekanalın məlumatına görə, bir neçə gün əvvəl Dəməşq İraq ərazisindən Suriya-İraq sərhədi yaxınlığında İran tərəfindən dəstəklənən silahlı birləşmələrin aktivliyinin qeydə alındığı barədə Bağdadı məlumatlandırıb.

Suriya hakimiyyəti İraq ərazisindən həyata keçirilən istənilən hücuma cavab tədbirləri görüləcəyi barədə xəbərdarlıq edib, həmçinin öz ərazisindən də hər hansı əməliyyatlar üçün istifadə edilməsinin qarşısını almağa yönəlmiş tədbirlər görməyə çağırıb.

"Al Arabiya"nın istinad etdiyi mənbələr Suriya Ordusunun şəxsi heyətinin "C Həyəcan Səviyyəsi"ndə səfərbər edildiyini bildirib. Hərbi heyət təcili çağırıldığı üçün orduda məzuniyyətlər ləğv edilib. Cəlb edilən qoşunların sayı və yerləşdirilmə yerləri barədə ətraflı məlumatlar verilməyib. Qoşunların hansı müddətə qədər cəlb edilən ərazilərdə qalacağı barədə heç bir rəsmi açıqlama yoxdur.