Ondan üzr istə! | Kimlər Çeçenistan rəhbərinə qarşı təcili kampaniya başlatdı?

Rusiyanın Krasnodar diyarının deputatları “Telegram”da Çeçenistan rəhbəri Ramzan Kadırovu İstintaq Komitəsinin sədri Aleksandr Bastrıkindən üzr istəməyə çağıran həştəq yaradıblar.

Çeçenistan rəhbərinin bəyanatları ilə bağlı ilk olaraq Kuban bələdiyyəsinin deputatı Sergey Kusmakov narahatlığını dilə gətirib.

O, Kadırovun İstintaq Komitəsinin rəhbərinə “yer göstərməsini” qəbuledilməz hesab etdiyini vurğulayıb.

“Biz heç kimin qəhrəmanımız Bastrıkinlə bu cür rəftar etməsinə icazə verməyəcəyik”, – deyən Kusmakov “KadyrovApologize” həştəqini də əlavə edib.

Onun mövqeyini Krasnodar diyarının qanunvericilik məclisinin deputatı Sergey Klimov dəstəkləyib və İstintaq Komitəsinin rəhbərini müdafiə edib.

“Biz Bastrikinin inciməsinə imkan verməyəcəyik”, – deyə Klimov qeyd edib.

Qeyd edək ki, bundan əvvəl Ramzan Kadırov Aleksandr Bastrıkin və Daxili İşlər Nazirliyinin rəhbəri Vladimir Kolokoltsevi kəskin tənqid edərək onların yerində olmadıqlarını və prezidentin qarşıya qoyduğu tapşırıqların öhdəsindən gəlmədiklərini deyib.