Pakistanda etirazçılar 14 hökumət binasını yandırdı

Pakistanın sabiq baş naziri İmran Xanın tərəfdarları hazırkı baş nazir Şahbaz Şərifin Lahordakı iqamətgahına hücum ediblər.

Polis bildirib ki, 500-dən çox etirazçı baş nazirin iqamətgahına gələrək avtomobilləri yandırıb, əraziyə bombalar atıblar. Nümayişçilər Lahordakı polis postuna da od vurublar.

Bildirək ki, İmran Xanın tərəfdarları son 2 gün ərzində ümumilikdə Pəncabda yerləşən 14 hökumət binasını və 21 polis avtomobilini yandırıblar. Etirazçılarla polis arasında baş verən toqquşmalarda azı 10 nəfər ölüb, 2 minə yaxın insan yaralanıb.

Xatırladaq ki, sabiq baş nazir mayın 9-da məhkəmə zalında həbs edilib. İmran Xanın həbsindən sonra onun tərəfdarları küçələrə axışaraq etirazlara başlayıblar.