Partlayışın arxasında İsrail dayanır? | Beyrutdakı dəhşətli hadisənin təfərrüatı

Livanın paytaxtı Beyrutun Dahiyə məhəlləsində HİZBULLAH hərbi qruplaşması tərəfindən istifadə edilən portativ rabitə qurğularının partlaması nəticəsində yüzlərlə döyüşçü yaralanıb.

Hadisə zamanı yaralananlar arasında İranın Livandakı səfiri Müctəba Əmani də olub.

Xarici medianın yaydığı məlumata görə, sözügedən qurğular Livanın cənubunda partlayıb. Proses təxminən yarım saat müddətinə davam edib.

Livan Səhiyyə Nazirliyi ölkədə baş verən partlayışlardan sonra insanları rabitə cihazlarından uzaq durmağa çağırıb.

Qurğuların İsrail tərəfindən partladıldığı iddia olunur. Hadisə ilə bağlı rəsmi Təl-Əvivdən açıqlama verilməyib.

HİZBULLAH qruplaşması isə bu hadisəni İsraillə təxminən bir ildir davam edən müharibədə qeydə alınan ən ciddi təhlükəsizlik problemi kimi qiymətləndirib.