Pleyeri seçin:
Pentaqonun mətbuat katibi Maduronun mümkün istefasından danışdı
ABŞ Nikolas Maduronun Venesuela Prezidenti vəzifəsindən istefa verəcəyi təqdirdə plan hazırlayır.
Bu barədə Pentaqonun mətbuat katibi Kinqsli Uilson brifinq zamanı bildirib.
O, Venesuela liderinin mümkün istefası ilə bağlı sualı cavablandırarkən "Departamentin fövqəladə hallar planı var. Dünyanın hər hansı bir yerində gözlənilməz bir şey baş verərsə, cavabımız hazırdır və icra etmək əzmindəyik", – deyə bildirib.
Onun sözlərinə görə, ABŞ Ordusu bu günə qədər narkotik qruplaşmalarına qarşı 21 zərbə endirib:
"Bu günə kimi yarımkürəmizdə narkotik vasitələrin qanunsuz dövriyyəsi şəbəkələrinə qarşı 21 kinetik zərbə endirilib, nəticədə 82 narkoterrorçu həlak olub", – deyə mətbuat katibi vurğulayıb.
Pentaqon rəsmisi həmçinin qeyd edib ki, narkotik terrorçuların məhv edilməsi əməliyyatı yeni başlayıb.
Kopyalandı
Seçilmişlər
