Peskov Paşinyanı nədə ittiham etdi?

Kremlin mətbuat katibi Dmitri Peskov Ermənistanın Baş naziri Nikol Paşinyanın “KTMT-dəki fəaliyyətimizi dondururuq” ifadəsinə reaksiya verib.

Bildirib ki, rəsmi Moskva Baş nazirin təşkilat ilə bağlı dediklərinə aydınlıq gətirmək üçün İrəvanla təmasları davam etdirir. Vladimir Putinin mətbuat katibi onu da əlavə edib ki, təşkilatda quruma üzvlüyün “dondurulması” kimi de-yure rejim yoxdur.

D.Peskov hətta kinayə ilə vurğulayıb ki, Rusiya Ermənistanın mövqeyini anlayacaq qədər hələ ki, inkişaf etməyib.

Xatırladaq ki, Baş nazir Nikol Paşinyan “France 24” telekanalına verdiyi müsahibəsində Ermənistanın KTMT-dəki fəaliyyətini dondurduğunu deyib. Bildirib ki, bunun üçün lazımi sənədlər aidiyyəti orqanlara təqdim edilib. Rəsmi Moskva isə bu xəbəri təkzib edərək onlara heç bir sənədin təqdim edilmədiyini vurğulayıb.