PKK-nın hücumuna Türkiyədən sərt cavab

Suriyanın şimalında PKK/YPG terror təşkilatının yaraqlıları Türkiyə Silahlı Qüvvələrinə məxsus bazalara hücum edib.

Bu barədə Türkiyə Milli Müdafiə Nazirliyi məlumat yayıb. Hücum nəticəsində 4 nəfər yaralanıb. Qeyd olunub ki, hücumlar “Zeytun budağı” və “Fərat qalxanı” əməliyyatları bölgələrində baş verib.

“Müəyyən edilən hədəflərə artıqlaması ilə cavab verilir”, – deyə Türkiyə müdafiə qurumundan bildirilib. Məlumatda həmçinin hücum zamanı yaralanan 4 türk əsgərinin Kilis Dövlət Xəstəxanasına yerləşdirildiyi açıqlanıb.