Putinin "bufer zona" arzusu ürəyində qalacaq? - Bu ərazilərə hücum olsa...

“Ruslar Sum və Xarkov vilayətləri ərazisinə hücuma hazırlaşa bilərlər. Lakin düşmənə Kremlin rəhbəri Vladimir Putinin arzuladığı “bufer zona”nı yaratmaq yenə də nəsib olmayacaq”.

Bunu Ukrayna Silahlı Qüvvələrinin Hərbi Dəniz Qüvvələrinin ehtiyatda olan polkovniki Vladislav Seleznyov deyib.

O, Ukrayna Prezidenti Volodimir Zelenskinin rusların Sum və Xarkov vilayətlərinə hücuma hazırlaşdıqları ilə bağlı bəyanatını şərh edib:

“Düşünürəm ki, prezidentimizin bəyanatı təəccüblü deyil. Çünki düşmən müəyyən hazırlıqlar həyata keçirir. Gəlin ötən ili xatırlayaq. 10 mayda düşmən böyük qüvvələrlə Xarkov vilayətinin şimalında dövlət sərhədini keçdi və Xarkova doğru irəliləməyə cəhd etdi. O, Volçansk rayonu istiqamətində Liptsiyə doğru döyüşlərə girdi və bu müddət ərzində cəmi bir neçə kilometr irəliləyə bildi. Bəzi yerlərdə isə Ukrayna Müdafiə Qüvvələri düşmən qüvvələrini geri oturtmağa nail oldu. Deməli, ciddi ərazi nailiyyətlərindən, Putin tərəfindən arzu edilən “bufer zona”nın yaradılmasından danışmaq mümkün deyil”.