Qan su yerinə axdı | Rusiya-Ukrayna müharibəsində dəhşət dolu gecə

Rusiya Silahlı Qüvvələri sentyabrın 4-dən 5-nə keçən gecə Ukrayna ərazilərini kütləvi hücuma məruz qoyub.

Belə ki, Donetsk və Xersona endirilən PUA və raket zərbələri nəticəsində ən azı 6 nəfər həlak olub, 10-dan çox insan yaralanıb.

Bu barədə Donetsk və Xerson hərbi administrasiyalarından məlumat verilib.

Bildirilib ki, Donetsk vilayətinə hücum nəticəsində 5 mülki şəxs həyatını itirib. Xerson vilayətində 38-dən çox yaşayış məntəqəsi pilotsuz uçuş aparatları, aviasiya və artilleriya atəşinə məruz qalıb. Yaşayış məntəqələrinə, mülki infrastruktura, çoxmərtəbəli bina, 17 fərdi ev, yarıtikili, yük maşını, qarajlar və avtomobillərə ziyan dəyib.

Dnepr vilayətinin hərbi administrasiyasının rəhbəri Sergey Lısak bildirib ki, gecə ərzində hava hücumundan müdafiə qüvvələri Dnepr üzərində də 20-yə yaxın PUA zərərsizləşdirilib.

Hadisə nəticəsində bir neçə ərazidə yanğınlar baş verib.

Sumıda isə sənaye obyektlərinə hücum edilib, dağıntılar qeydə alınıb, irimiqyaslı yanğın baş verib, 3 nəfər yaralanıb.

Ukrayna hərbi gərərgahından vurğulanıb ki, son sutka ərzində cəbhədə 172 hərbi toqquşma qeydə alınıb. Ən gərgin döyüşlər Pokrovsk istiqamətində gedib. Bununla yanaşı, Rusiyanın daha 810 hərbçisi Ukrayna Silahlı Qüvvəli tərəfindən məhv edilib.

Rusiya Müdafiə Nazirliyindən isə bildirilib ki, gecə hava hücumundan müdafiə qüvvələri Ukraynanın 92 PUA-sını məhv edib.