Qəzzadan İsrailə uğursuz raket atışı qeydə alındı
İsrail hərbçiləri Livanın cənubuna növbəti zərbə endiriblər. Bu barədə ordunun mətbuat xidməti açıqlama yayıb.
Məlumata əsasən, hücumun məqsədi "Hizbullah" təşkilatının silahlı dəstələrinin bir üzvünün zərərsizləşdirilməsi olub. Zərbə ərəb respublikasının cənubunda yerləşən Zayta kəndinin ətrafına endirilib.
İsrail Ordusunun bəyanatında qeyd olunur ki, bu addımlar "Hizbullah"ın Livanın cənubunda atəşkəs razılaşmalarını davamlı şəkildə pozmasına cavab olaraq həyata keçirilib.
İsrailin Baş naziri Benyamin Netanyahu isə qeyd edib ki, Livanın "Hizbullah"ı tərk-silah etmək üçün göstərdiyi səylər ümidvericidir, amma kifayət deyil.
Onun sözlərinə görə, ABŞ-nin vasitəçiliyi ilə İsrail və Livan arasında əldə olunan atəşkəs razılaşmasında açıq-aşkar qeyd olunur ki, "Hizbullah" tamamilə tərk-silah edilməlidir. Bu, İsrailin təhlükəsizliyi və Livanın gələcəyi üçün bir məcburiyyətdir.
Bu arada, İsrail Müdafiə Ordusu Qəzza şəhəri ərazisindən İsrail ərazisinə doğru uğursuz raket atışı qeydə alıb. Hərbçilərin məlumatına görə, mərmi Qəzza zolağındakı İsrail postları yaxınlığında yerləşən xəstəxananın yaxınlığına düşüb. Ölən və ya yaralananlar barədə məlumat yoxdur.
#İsrail teqi istifadə olunub
- İran uzunmüddətli müharibəyə hazırlaşır: Strategiyaya yenidən baxılır
- İranın zərbəsindən yaşayış binası zədələnib
- İranın cavab addımları regionu genişmiqyaslı müharibəyə aparır? - AKTUAL GÜNDƏM
- Laricaninin sui-qəsdə uğraması İran rəhbərliyinə ya güzəşt, ya da ölüm mesajıdır? - AKTUAL GÜNDƏM
- Trampdan sensasiyalı açıqlama! | Hansı ölkələr ABŞ-yə dəstək verəcək? - Baku TV
