“Qrenlandiya alveri” qalmaqala çevrildi | Yüzlərlə insan Trampa od püskürdü

Danimarkanın ən böyük şəhərləri Orhus və Kopenhagendə ABŞ-nin Qrenlandiya siyasətinə qarşı nümayişlər keçirilib.

Məlumata görə, 1000-dək insan paytaxtdakı ABŞ səfirliyi qarşısında “Qrenlandiya qrenlandiyalılara məxsusdur”, “Qrenlandiya satılmır”, “ABŞ, geri çəkil” şüarları səsləndirib.

“Həm Qrenlandiyaya, həm də Danimarkaya qarşı bu təzyiq qəbuledilməzdir. Biz bunun normal olmadığını göstərmək istəyirik. Bu, kobud pozuntudur”, – deyə təşkilatçılardan biri olan Karen Littauer deyib.

Qeyd edək ki, etirazlar ABŞ Prezidenti Donald Trampın ölkənin Qrenlandiyaya nəzarət etmək istədiyini dəfələrlə dilə gətirməsindən və ABŞ-nin vitse-prezidenti Cey Di Vensin martın 28-də rəsmi Vaşinqtonun Qrenlandiyadakı “Pituffik” hərbi bazasındakı açıqlamalarından sonra baş verib.