Taranaki dağının özəllikləri | Ədalətsizlik və nifrətdən xilas oldu

Yeni Zelandiyada yerli xalq üçün müqəddəs sayılan və əcdadı hesab edilən Taranaki dağına yeni qanunla hüquqi şəxs statusu verilib.

Məlumata görə, bununla da Taranaki bir insanın sahib olduğu bütün hüquq və vəzifələrə sahib olacaq. Parlamentin yekdilliklə təsdiq etdiyi qanunla Taranaki dağının zirvəsinə yerli xalqın istifadə etdiyi ifadələrdən olan “Taranaki Maunqa” adının verilməsi qərara alınıb.

Qeyd edilib ki, qanun həmçinin 19-cu əsrdə ingilislərin ölkəni müstəmləkəyə çevirməsindən sonra dağın maorilərdən oğurlandığını qəbul edir.

Qanuna görə, Taranaki ətrafdakı təpələri, torpaqları, bütün fiziki və metafiziki elementləri ilə canlı, bölünməz bir bütöv olaraq görülür.

Yeni Zelandiyanın mədəniyyət, incəsənət və tarixi irs naziri Pol Qoldsmit parlamentdə çıxışı zamanı dağın üstünlüklərindən danışıb.

“Dağ uzun zamandır şərəfli bir əcdad, fiziki, mədəni, mənəvi qida mənbəyi və son istirahət yeri olub”, – deyə o bildirib.

Bildirək ki, qarla örtülmüş sönən vulkanik dağ olan və 2 518 metr hündürlüyündəki Taranaki turizm, yürüş və qar idmanı üçün məşhur yerlərdəndir.

Qeyd edək ki, Yeni Zelandiyada daha əvvəl də çaylardan biri və müqəddəs sayılan torpaq parçası ilə bağlı oxşar qərar qəbul olunub.